๑۩۞۩๑ منتدى عمرو دياب ستريت ๑۩۞۩๑


اشطه يا معلم !!!!! امسك ياريس !!!!
: الراجل ده هيجنني !!!
انت مش مسجل معانا لييييييييييه يلا بسرعه اضغط على تسجيل
وسجل فى أحلى موقع للنجم العالمى الهضبة عمرو دياب
نعم ...بتقول ايه ... أنت مسجل ماهى دى المصيبة السودة
طيب يلا بسرعه اضغط على دخول وحط اليوزر والباص بتوعك
ومتعملش كدا تانى
أما نت بقى ياريس انت قرفان وطفشان من الكلام ده كله صح
متريح دماغك واضغط على اخفاء.. بس للأسف مش هتقدر تستفيد
من خدمات المنتدي خاااااااااااااااااااااالص
بس هقوالك على حاجة معانا متقلقش خالص طول ماكيمو موجود هتتمتع بكل خدمات
الموقع حتى لو كنت زائر بس يلا ادخل سجل



اهلا وسهلا بكم فى المنتدى المجانى للنجم العالمى عمرو دياب ومرحبا بكل محبين الهضبة العالمى عمرو دياب
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قصيدة (تحكي لمين يا شهر زاد)

اذهب الى الأسفل 
كاتب الموضوعرسالة
هاشم فتحي
هضــــبة جــــديد
هضــــبة جــــديد
avatar

الجنس : ذكر المساهمات : 2 العمل : شاعر واديب

مُساهمةموضوع: قصيدة (تحكي لمين يا شهر زاد)   الأربعاء يوليو 08, 2009 5:16 am




احكي كتير يا شهر زاد
كل الحكايا.....
بتبتدي من غير ميعاد
ولا حد واقف للزمن
يمسك سنين
يحسب ثواني غربته
حلمه اتولد في تربته
والفرح خايف م الحداد
يوم الخميس قبل اللي فات
بصيت على ولاد البلد
اطفال بتجري ف سكتي
ما لهاش عدد
وعجوز بتعبر كل شارع
خايفه من صوت الخفير
وبتسال الناس الفتات
شايله الهموم بين العيون
تبكي وتشكي للزمن
زوجها اللي مات
عدت سنين
ودخلت شارعنا اللي فات
يوم التلات
ولقيت ملامح خوف
وحبة ذكريات
مكتوب على الحيطة البعييده كلمتين
الصبر مفتاح الفرج
واللي انكتب يا عين .....
وحاجات كتيره بتختفي
وتموت يا عين بين العنين
نفس العجوز وولادها
بيمدو الايدين
نفس البلابل
كل طير واقف حزين
ولكل شارع ناصيتين
ناصيه تلم المحرومين
والتانية فيها شيخ بلدنا
والثكالى جنب منه مطروحين
تحكي لمين يا شهر زاد
لون المنى كان لون رماد
وانا كنت واقف من زمان
والحلم واقف في المزاد
برمي السلام
على كل سكان القبور
وف كل عام يوم العبور
امسك قلم
واكتب سطور
ما لها القبور
مكتوب عليها الف كلمة
مرسوم عليها مية سكون
والعتمه تخطف كل نور
ما لها السطور؟؟
ليه كل سطر بينتحر
بين المآسي والسرور
واتمرغت كل الحروف
تحكي لمين يا شهر زاد
ونجيب منين الناس
وكل الناس بتهرب م الكلام
وتعيش كتير تحلم بتاكل ف الرغيف
واتبعثرت احلام
عرق الجبين فوق العنين
واقف حجر
وعيون بيقتلها السواد
ومآسي اقوى م البشر
علشان عيونك يا وطن
لازم نكافح في البلاد
ونطفي في ترابك شموع
دانت الامل
لفيت بلاد الله
وعديت البحار
ولقيت هناك طعم الحياه طعم المرار
قالوا الفلوس يا بن الحلال
قلت الوطن
وسمعت ضحكه من بعيد
وصرخه بتهز الجدار
قال لي انت فاكر يا ولد
قطر الصعيد
وسفينة الموت"السلام"
وكمان نسيت حجر الدويقه
واختفت ليه الحقيقه
يا عم سمعني السلام
ولسه بتقولي الوطن
دا الصمت احسن م الكلام
ياما ناس بيقتلها السكوت
وناس بيحبسها الكلام
حتى المراكب في عيون النيل بتحلم بالامان
والنخل واقف من زمان
شاهد على ولاد الحرام
ما تقولي ايه معنى الوطن؟
حرفين تلاته ولا حفنه من تراب
ومدينه تايهه من سنين
في سكة الحلم السراب
فيها الشوارع والبيوت
والركام حتى الخراب
وجبال تموت فوق الدويقه
والبشر تحت التراب
ما تقولي ايه معنى الوطن؟
حرفين تلاته ولا زنزانة هوان
كل الشوارع والدروب
صورة عنابر في الليمان
وكمين في آخر كل حاره
وكمين هناك في المزلقان
اوعاك تعدي وف ضميرك
كلمه اكبر م السكوت
نظره اهون من بيوت العنكبوت
حلم اكبر من رغيف العيش
وحبة برتقان
هتروح في عين الشمس
ولا حد يعرفلك مكان
بصيت لقتني جنب مني شهرزاد
وعيوني تاهت في بلاد السندباد
قالت خلاص يا بن الحلال
انا قلت بكره فيه جديد
قالت محال
قلت الامل
قالت خيال
بكره نشوف يا شهر زاد
قالت سلام
ابو خلاد هشام فتحي







الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MisteRKiMo
كبيرالعائلة العمورية
كبيرالعائلة العمورية
avatar

الجنس : ذكر المساهمات : 1940 العمل : صاحب الموقع

مُساهمةموضوع: رد: قصيدة (تحكي لمين يا شهر زاد)   الأربعاء يوليو 08, 2009 2:03 pm

تسلم ايدك شغل جامد بجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://diabfan.a7larab.net
shosho
نائبة المدير العام
نائبة المدير العام
avatar

الجنس : انثى المساهمات : 1836 العمل : مدرسهــ

مُساهمةموضوع: رد: قصيدة (تحكي لمين يا شهر زاد)   الجمعة يوليو 10, 2009 6:14 pm


يعطيك العافيهـ يا هاشم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yasmena masoo
هضــــبة جــــديد
هضــــبة جــــديد
avatar

الجنس : انثى المساهمات : 30 العمل : طالبة

مُساهمةموضوع: رد: قصيدة (تحكي لمين يا شهر زاد)   الثلاثاء يوليو 14, 2009 3:56 pm

جامده قوى الكلمات

تحفــــــــــــــــــــــــــــــــه
نايس توبيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MisteRKiMo
كبيرالعائلة العمورية
كبيرالعائلة العمورية
avatar

الجنس : ذكر المساهمات : 1940 العمل : صاحب الموقع

مُساهمةموضوع: رد: قصيدة (تحكي لمين يا شهر زاد)   الخميس يوليو 16, 2009 8:12 am

تسلم ايدك شغل جامد وتوبيك روعة بجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://diabfan.a7larab.net
غاده
عضو مميز
عضو مميز
avatar

الجنس : انثى المساهمات : 96 العمل : طالبه

مُساهمةموضوع: رد: قصيدة (تحكي لمين يا شهر زاد)   الإثنين أغسطس 03, 2009 10:31 pm

ميرسي يابوخلاد عى التوبيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
roro3
مشرفة المسابقات والالعاب
مشرفة  المسابقات والالعاب
avatar

الجنس : انثى المساهمات : 503 العمل : طالبه

مُساهمةموضوع: رد: قصيدة (تحكي لمين يا شهر زاد)   الثلاثاء أغسطس 04, 2009 2:34 am

ميرسى يا هاشم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نونه_
اصدقاء الهضبة
اصدقاء الهضبة
avatar

الجنس : انثى المساهمات : 288 العمل : طالبه

مُساهمةموضوع: رد: قصيدة (تحكي لمين يا شهر زاد)   الخميس أكتوبر 01, 2009 2:08 am

تسلم ايدك يا جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة (تحكي لمين يا شهر زاد)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
๑۩۞۩๑ منتدى عمرو دياب ستريت ๑۩۞۩๑  :: القسم العام-
انتقل الى: