๑۩۞۩๑ منتدى عمرو دياب ستريت ๑۩۞۩๑


اشطه يا معلم !!!!! امسك ياريس !!!!
: الراجل ده هيجنني !!!
انت مش مسجل معانا لييييييييييه يلا بسرعه اضغط على تسجيل
وسجل فى أحلى موقع للنجم العالمى الهضبة عمرو دياب
نعم ...بتقول ايه ... أنت مسجل ماهى دى المصيبة السودة
طيب يلا بسرعه اضغط على دخول وحط اليوزر والباص بتوعك
ومتعملش كدا تانى
أما نت بقى ياريس انت قرفان وطفشان من الكلام ده كله صح
متريح دماغك واضغط على اخفاء.. بس للأسف مش هتقدر تستفيد
من خدمات المنتدي خاااااااااااااااااااااالص
بس هقوالك على حاجة معانا متقلقش خالص طول ماكيمو موجود هتتمتع بكل خدمات
الموقع حتى لو كنت زائر بس يلا ادخل سجل



اهلا وسهلا بكم فى المنتدى المجانى للنجم العالمى عمرو دياب ومرحبا بكل محبين الهضبة العالمى عمرو دياب
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 يوميات لواحظ وعبد المتجلي

اذهب الى الأسفل 
كاتب الموضوعرسالة
نرمين
مشــــــــــــــــرف
مشــــــــــــــــرف
avatar

الجنس : انثى المساهمات : 403 العمل : طالبة

مُساهمةموضوع: يوميات لواحظ وعبد المتجلي   الأربعاء نوفمبر 25, 2009 4:02 pm

يلا بينا مع اجمل يوميات مضحكه من القلب تعالوا نضحك[ندعوك للتسجيل في المنتدى أو التعريف بنفسك لمعاينة هذه الصورة]

الحلقة الاولي
الام:لووووووووووي لووووووووووي
الاب:في ايه يا جملات بتزغرطي كده ليه
الام:اسكت يا حج مش البت لواحظ جالها عريس ياخويا
الاب:وعنيه مبرأه ومذهول)لواحظ بنتنا يا وليه ولا انا بيتهيألي!!!!!يا اما انتا كريم يا رب اخيرا هتتفك عقدتها
الام:وطي صوتك يا متولي البت تسمع تتقهر يا اخويا دي احنا ما صدقنا
الاب:طيب طيب خلاص بس تعالي احكيلي مين اللي امه داعيه عليه ده
الام:وهي في منتهي الانشراح)دي الواد عبد المتجلي ابن الست بهية في الشارع اللي ورانا يوووه ما انتا عارفهم
يا راجل كان ابوه بتاع مراجيح

الاب:هااا كملي00000اولها مراجيح ربنا يستر
الام:هوه عمره ما شاف البت بس سمع عن ادبها و جمالها اصله كان مسافر الخليج يا خويا
الاب:ادبها ! طب قولي حاجه غير كده يا وليه ما انتي عارفه بنتك لسانها طول نفق شبرا
الام:يوووه بقي يا متولي سيبني اكمل يا راجل وما تبوظش فرحتي
الاب:يعني بيشتغل ايه حيله امه؟
الام:بسم الله ما شاء الله ميكانيكي اد الدنيا
الاب:يلا لو زبال حتي انا عاوز اجوزها قبل ما اتشل ويجيلي جلطه من عمايلها السودا
الام:بعد الشر عليك يا ابو لواحظ0000وتعيش وتشوف ولاد ولادها
الاب:لالالالا هي بس تتجوز ومش عايز اشوف اي حاجه من ريحتها دي انا جالي الضغط والسكر منها يا جملات
الام:تتك ايه يا متولي ضحكتني دي انتي بتموت فيها يا راجل مش بنتك الكبيره
الاب:امال ايه بس ربنا يهديها وتتم الجوازه علي خير


(صوت تكسير وصريخ ابنهم الصغير حناطه000خارج بيجري من اوضته)

حناطه:أاااااااه الحقوني يا لههههوي ي ي ي ي ي ي ي ي ي ي



(ويستخبي حناطه ورا كرسي ابوه00000بينما تخرج الليدي لواحظ بتجري ورا اخوها وهيه
بنت شرسه رغم ملامحها التي تبدو الي حد كبير مقبوله ولكنها غير منظمه في مظهرها وعنيفه وصوتها عالي باستمرار
)
لواحظ:وحياه امك وابوك اللي رايح تستخبي وراه ده لقطعك يا خرتيت انتا0000 انتي000000ماشي اما كهربتك يا
حناطه وانتي نايم وتموت مفحم مبقاش انا فتكات


الاب:بمنتهي الهدوء والرعب طبعا من منظر بنته وفلذه كبده لواحظ)ايه يا لظلظ صلي علي النبي في قلبك كده يا
بنتي في ايه بس؟

لواحظ:اسكت انتي دلوقت يا عم الحج سيبي مني له

الاب:عم الحج !!!!يا بت احترميني الله يحرقك دي انا ابوكي كان يوم اسود يوم اما امك قالتلي انها حامل فيكي

الام:اه يا اخويا حتي يومها المرحومه امك ربنا افتكرها اهي البت طلعت لها

لواحظ:يا عيني عليكي يا لولوكلهم عليكي الهي اشوف فيكوا يوم

الاب:يلا يا حناطه علي اوضتك ما تخفش 0000و(يلتفت الاب للواحظ)وانتي يا ام طويله اترزعي جمبي هنا عايزك
لواحظ تقعد علي الكرسي في انكسار وهزيمه بعد اما حناطه فلت منتحت سنانها)افندم يا بابا

الاب: ايه الادب ده كله0000الله الله

الام: خلاص بقي يا متولي يلا فرحها بالخبر(وتطبطب علي لواحظ وعلي وشها ابتسامه عريضة)

الاب:احممممممم بصي يا لواحظ يا بنتي خالتك حسنيه جايبه للك عريس لوقطه وهييجوا يشوفوكي الخميس اللي جاي

الام :لووووي لوووووي مبروك يا نور عيني عقبال الفرح يا رب(وتبوس لواحظ التي جلست فاتحه بؤها ومذبهلله
من خبر زياره عريس الغفله
الاب:هوه اسمه عبد المتجلي وبيشتغل ميكانيكي محترم00000000ها ايه رأيك

لواحظ: ايه ميكانيكي يعني ايده سودا وريحته بنزين 80 ...........مستحيل اتجوزه مش عايزاه

الاب:هتشوفيه غصب عن عين ابوكي........هوه ده اللي عندي واعملي حسابك علي الخميس اللي جاي

لواحظ:وعنبها بتطق شرار وتحدي)بقي كده ماشي ....انتي اللي جبته لنفسك يا سي عبد المتجلي
لسه الخطوبه وربنا معاك يا عبده اتمني تعجبكم يا جماعه والكل معزوم في الخطوبه والحاضر يعلن الغائب
خطوبه لووووووووووووووووووووواحظ قريبا
انتظروني الحلقه الجايه..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقه الاسماعيلى
هضــــبة جــــديد
هضــــبة جــــديد


الجنس : انثى المساهمات : 18 العمل : طالبه

مُساهمةموضوع: رد: يوميات لواحظ وعبد المتجلي   الخميس نوفمبر 26, 2009 4:12 am

جاااااااااااااااااااااااااااااااااااااااااااامده جدااااااااااااا
ربنا يستر فى الخطوبة لا تاكل العتريس ولا حاجة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.ISMAILY-SC.COM
نرمين
مشــــــــــــــــرف
مشــــــــــــــــرف
avatar

الجنس : انثى المساهمات : 403 العمل : طالبة

مُساهمةموضوع: رد: يوميات لواحظ وعبد المتجلي   الخميس نوفمبر 26, 2009 4:43 pm

هوه انتي لسه شوفتي من لواحظ حاجه دي لسه في الحلقه الثانيه والثالثه هتعمل فيه عمايل والله دي حد داعي عليه وميرسيه لمرورك يا قمر ومستنيه ردودكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MisteRKiMo
كبيرالعائلة العمورية
كبيرالعائلة العمورية
avatar

الجنس : ذكر المساهمات : 1940 العمل : صاحب الموقع

مُساهمةموضوع: رد: يوميات لواحظ وعبد المتجلي   الخميس نوفمبر 26, 2009 4:57 pm

جامدة جدا روووووووووووووعة تسلم ايدكى ومنتظر بيقيت الحلقات علشان اثبتها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://diabfan.a7larab.net
sosha
اصدقاء الهضبة
اصدقاء الهضبة
avatar

الجنس : انثى المساهمات : 988 العمل : 'طالبه

مُساهمةموضوع: رد: يوميات لواحظ وعبد المتجلي   الجمعة نوفمبر 27, 2009 4:40 am

ميرسي يسلموا
مع اني عارفه هيحصل ايه بعد كده ههههههههههخخخخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نرمين
مشــــــــــــــــرف
مشــــــــــــــــرف
avatar

الجنس : انثى المساهمات : 403 العمل : طالبة

مُساهمةموضوع: رد: يوميات لواحظ وعبد المتجلي   السبت نوفمبر 28, 2009 5:48 pm

ميرسيه يا جماعه وقريب هنزل الحلقه التانيه ومعلش انا اتاخرت عليكم فيها بس انا اسفه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نرمين
مشــــــــــــــــرف
مشــــــــــــــــرف
avatar

الجنس : انثى المساهمات : 403 العمل : طالبة

مُساهمةموضوع: رد: يوميات لواحظ وعبد المتجلي   الأحد نوفمبر 29, 2009 7:41 am

طبعا اختنا لواحظ قررت تطفش العريس بس لما جه عبد المتجلي هوه وامه 000000000تعالوا نشوف عملوا ايه
الحلقه التانيه
من يوم ما الست ام لواحظ عرفت بمعاد الخطوبه والبيت اتقلب وبقي في حاله طوارئ خبط ورزع
وتنفيض ويوم الخميس البيت بقي ولا بيت المحافظ وجاهز لاستقبال الفارس الهمام عبد المتجلي

اوضه لواحظ00000000000لوووووووووووي لووووووووووووي وبنات العيله بيغنوا ما تزوقيني يا ماما قوام يا ماما دي عبد المتجلي بره وجايب الشكمان يا ماما

لواحظ:اووووووف عيال رخمه ربنا ياخدهم)وعشره واقفين يزوقوا فيها وهيه ضربه الوش الخشب ومش طايقه دبان وشها

في نفس الوقت كان عبد المتجلي والست والدته طالعيين علي السلم وماسك ايد والدته الست بهيه

الست بهيه:بشويش يا بني مفاصلي بتنقح عليا

عبد المتجلي:يلا بقي با اما عاوز اشوف لواحظ(كان الاستاذ برعي والد ابو لواحظ نازل بالصدفه










وان شاء الله هكمل الموضوع بعدييين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MisteRKiMo
كبيرالعائلة العمورية
كبيرالعائلة العمورية
avatar

الجنس : ذكر المساهمات : 1940 العمل : صاحب الموقع

مُساهمةموضوع: رد: يوميات لواحظ وعبد المتجلي   الأحد نوفمبر 29, 2009 8:55 am

روعة تسلم ايدكى ومستنين الباقى
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://diabfan.a7larab.net
نرمين
مشــــــــــــــــرف
مشــــــــــــــــرف
avatar

الجنس : انثى المساهمات : 403 العمل : طالبة

مُساهمةموضوع: رد: يوميات لواحظ وعبد المتجلي   الأحد نوفمبر 29, 2009 1:55 pm

ميرسيه ليك يا كيمو بكره هتلاقوا الحلقه التانيه بس لو كان عندي وقت وبجد انا بقدم اعتذاري وانا اسفه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نرمين
مشــــــــــــــــرف
مشــــــــــــــــرف
avatar

الجنس : انثى المساهمات : 403 العمل : طالبة

مُساهمةموضوع: رد: يوميات لواحظ وعبد المتجلي   السبت ديسمبر 05, 2009 7:03 pm

معلش يا جماعه انا عارفه ان انا اتاخرت بس والله كانت ظروف

كان الاستاذ برعي والد لواحظ نازل بالصدفه وبص لعبد المتجلي وقاله :انا لله وان اليه راجعون مبروك يا عريس ربنا يتولاك برحمته يابني

الست بهيه:وشوشت عبد المتجلي وقالتله سيبك من ده الراجل ده شكله مجنون شوف شعره منكوش ازاي ووشه متعور

عبد المتجلي: الراجل ده خضني هوه يقصد ايه

الست بهيه: كل خير يا ضنايا ما تخافش

عبد المتجلي ظبط القميص ورفع البنطلون ومسك علبه الجاتوه اللوكس اللي جايبها معاه وضرب الجرس (غلطه عمرك يا عبده)

الست بهيه:تبصله وتضحك اصمله عليك يا حبيبي شبه المرحوم ابوك الخالق الناطق فينك يا شلبي تشوف ابنك وهوه بيخطب

الام تفتح الباب وفرحانه علي الاخر (اهلا اهلا اتفضلوا

الاب:اهلا وسهلا اتفضلوا ويسلم علي عبده ويدخلهم الصالون


الام دخلت عند لواحظ الاوضه يلا يا حبيبتي عريسك وصل هاتي العصير وتعالي بشويش وافردي بوذك شويه

لواحظ:الهي كان وقع من علي السلم هوه وامه وجالهم ارتجاج وريحونا بقي

الام: عيب يا بت الواد فلقه قمر يا خيبه وطول بعرض وشنبه يقف عليه الصقر

لواحظ: صقر لنا يخرم نفوخه وكمان بشنب يادي القرف عاملي فيها الملك فاروق

الام: يلا بطلي طوله لسان وشهلي بدل اما ابوكي يتنقط منك كفايه اللي طفشتيهم قبل كده بعمايلك السودا

ام لواحظ تسبقها علي الصالون وترحب بالضيوف)

الام: اهلا اهلا منوره يا ست بهيه

ست بهيه: بنورك يا ام لواحظ

عبد المتجلي عامل مكسوف وعامل عريس ووشه جايب الوان الطيف السبعه

الاب: هوه الواد ده اخرس ولا ايه) وقام رزعه بايده علي كتفه منور يا اسطي عبده

عبد المتجلي:الله يخليك يا عمي

الاب: الواد مؤدب واخلاق والله خساره في المدفع الرشاش اللي هيهل علينا دلوقتي

ست بهيه: امال فين ست العرايس

الام : جايه حالا يا حبيبتي) يا لواحظ تعالي سلمي علي الضيوف


تدخل لواحظ وماسكه صنيه العصير وعامله فيها نسمه وسي عبد المتجلي رافع نص عيين وبيبص عل فتاه احلامه اللي هتقلبها له كوابيس باذن الله

لواحظ: سلامو عليكوا وقعدت من غير ما تقدم العصيير وامها قاعده تبصلها عشان تتحرك وتقدمه ولا حياه لمن تنادي

الست ياعيني قامت وقدمته وكان هاين عليها تقعد علي لواحظ تبتطها من كتر غيظها وهيه موصياها تقدم لحماتها الاول وبعديين العريس

الاب سلمي علي خالتك ام عبد المتجلي يا لوزه

لواحظ: الهي يسلم عليها قطر هيه والمحروس ابنها علشان اخلص منهم) ازيك يا طنط وبتضحك ضحكه صفرا طبعا

الست بهيه: الله يسلمك يا مرات ابني يا غاليه 0 ايه رايك في عروستك يا عبودي

عبد المتجلي طبعا ما صدق وبص للواحظ وهيه موديه وشها الناحيه التانيه ومش طايقه تبصله وقال لامه ما شاءالله يا اما

لواحظ: ياخدك انتي وامك يا شيخ

الست بهيه: ها يا حاج متولي طلباتكوا ايه انتوا تأمروا

الاب: الامر لله وحده احنا بنشتري راجل

الاستاذ متولي والست بهيه وعبد المتجلي مركزيين في تفاصيل الزواج ولواحظ حالفه تطفشهم


لواحظ: بصت لعبد المتجلي من اول القاعده(ايه ده يخرب بيت سنينك ده طلع قمر) ونزلت عنها وبعد تفكير عميق قررت تدي لعبد المتجلي فرصه لما لقته امور كده

الاب: ايه رايك يا لواحظ يا بنتي نقرا الفاتحه(وهوه حاطط ايده علي قلبه خايف تعمل اي مصيبه زي عوايدها)

لواحظ: الللي تشوفه يا بابا(يلا مع ان شنبه بيفكرني بهولاكوا زعيم التتار)

ست بهيه: مبروك يا ولاد وقروا الفاتحه ( وام عبد المتجلي قعدت تعيط)


ست بهيه:اهئ اهئ اهئ اهئ فينك يا ابو عبده تفرح معانا


لواحظ الوليه النكد دي مش هتنفع معايا ) اجيب لها سي السيد بتاعها منين دلوقتي

عبد المتجلي: روقي بقي يا حاجه زمانه دلوقتي حاسس بينا

لواحظ: زمانه دلوقتي مرتاح من امك النكديه دي والله


معلش يا جماعه اصل لواحظ مش نكديه خالص وهتشوفوا بعديين

وبعد كده مشي عبد المتجلي و والدته وهما في منتهي الانشكاح ما هوه مش عارف اللي هيجري له ولو عرف هيتمني يروح لابوه شلبي بتاع المراجيح




اوعوا تنسوا انتوا معزوميين علي الشبكه وربنا يهني لواحظ بعبد المتجلي

انتظروني الحلقه الجايه واتمني اكون ضحكتكم ومستنيه الاراء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات لواحظ وعبد المتجلي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
๑۩۞۩๑ منتدى عمرو دياب ستريت ๑۩۞۩๑  :: القسم العام-
انتقل الى: