๑۩۞۩๑ منتدى عمرو دياب ستريت ๑۩۞۩๑


اشطه يا معلم !!!!! امسك ياريس !!!!
: الراجل ده هيجنني !!!
انت مش مسجل معانا لييييييييييه يلا بسرعه اضغط على تسجيل
وسجل فى أحلى موقع للنجم العالمى الهضبة عمرو دياب
نعم ...بتقول ايه ... أنت مسجل ماهى دى المصيبة السودة
طيب يلا بسرعه اضغط على دخول وحط اليوزر والباص بتوعك
ومتعملش كدا تانى
أما نت بقى ياريس انت قرفان وطفشان من الكلام ده كله صح
متريح دماغك واضغط على اخفاء.. بس للأسف مش هتقدر تستفيد
من خدمات المنتدي خاااااااااااااااااااااالص
بس هقوالك على حاجة معانا متقلقش خالص طول ماكيمو موجود هتتمتع بكل خدمات
الموقع حتى لو كنت زائر بس يلا ادخل سجل



اهلا وسهلا بكم فى المنتدى المجانى للنجم العالمى عمرو دياب ومرحبا بكل محبين الهضبة العالمى عمرو دياب
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 وياه..جميع وسائل الابهار في كليب لكل الأعمار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
al king amr diab
مشرف اخبار النجوم
مشرف اخبار النجوم
avatar

الجنس : ذكر المساهمات : 696 العمل : اعمال حره

مُساهمةموضوع: وياه..جميع وسائل الابهار في كليب لكل الأعمار   الجمعة أغسطس 21, 2009 8:06 am

كليب "وياه" كليب اتجمع فيه كل وسائل الابهار عشان يخرج بأروع صورة ممكن تخرج بيها أغنية بروعة وجمال أغنية "وياه" .. وكعادة كل كليبات الهضبة قدملنا كليب صيفي خالي من العري والاسفاف والابتزال والمشاهدة اللي بتكون (تاعبة كل الناس).

[ندعوك للتسجيل في المنتدى أو التعريف بنفسك لمعاينة هذه الصورة]

اللي يشوف الكليب يقول الهضبة صوره في دولة أجنبية أو علي الأقل يقول في شرم الشيخ بسبب الجو الصيفي جدا ومنظر البحر الرائع .. لكن هيندهش لو عرف انه متصور جوة بيت الهضبة في القصر بتاعه !!

[ندعوك للتسجيل في المنتدى أو التعريف بنفسك لمعاينة هذه الصورة]

الكليب اعتمد علي المشاهد اللي بتميز كل كليبات الهضبة في النوعية دي من الأغاني وهي الرقص والحركة ومشهد الموديلز اللي بتقدم استعراضات ونقدر نقول عليها ان دي مدرسة الهضبة في تصوير كليباته الراقصة عكس كليبات زي وماله وتملي معاك وانا عايش ودي مدرسة تانية للهضبة ومع ذلك التجديد ديما سمة الهضبة في كليباته وافكاره والتجديد هنلاحظه في اخراج الكليب اللي اعتمد بشكل كلي علي الجرافيكس وخلق مشاهد قمة في الروعة والصورة المبهرة تخلي الانسان يشعر بالمرح والانسجام مع الاغنية واداء الهضبة جه معبر عن روعة الكلمات واستخدم الاشارات المميزة ليه والمشهور بيها ونقدر نعتبرها تبع مدرسة الهضبة في تصوير كليباته ودي اللي كانت سبب في كشف رامي صبري اول ما ظهر لما استخدم نفس الاشارات والحركات وخلي البعض يقول انه بيقلده.

[ندعوك للتسجيل في المنتدى أو التعريف بنفسك لمعاينة هذه الصورة]

مشهد الاطفال يعتبر هو المحور الاساسي في الكليب ويمكن فكرته الاساسية والأولاد اللي ظهروا في الكليب هما أولاد الهضبة عبد الله وجانا وكنزي والباقيين أولاد اخوه عماد وفكرة ظهورهم بتعتمد علي انهم بعد ما شافوا الاغنية اتأثروا بيها وقلدوها وبيجي المشهد وهما بيعملوا كأنهم "كاست" العمل من اول المخرج اللي بيعرف البنات يرقصوا ازاي زي الكليب والولد اللي قدم دور المطرب واتقمص دور الهضبة وحاول يعمل نفس حركاته ..وبيضغط الولد علي جهاز التسجيل فبتشتغل مقدمة اغنية وياه بصوت ضعيف في الخلفية مايأثرش علي سير الاغنية الرئيسية وبعدين يدخل صوت الهضبة في الاغنية الرئيسية وكانه خارج من التسجيل وبتدخل الكاميرا زووم علي الهضبة وهو بيغني والولد واقف يقلده ويعمل زيه وهو ده المشهد الاساسي والعبقري في الأغنية ويحسب للمخرج ..وبعدها تستمر الاغنية ويستمر دور الاطفال وهما بيحاولوا يرقصوا نيجر زي الموديلز وترجع الكاميرا للأطفال وواحد منهم بيغني ورا صوت الهضبة..ووجود الاطفال في الكليب لسببين:
1-الهضبة حب يعمل كليب يناسب كل الأعمار من الصغير للكبير ويشوفه كل الناس حتي الاطفال من غير ما يروح يصور اغنية للأطفال زي أغلب المطربين.
2-غناء الاطفال للأغنية بيأكد بيها الهضبة انه من الكبير للصغير بيردد أغانيه وحافظها.

[ندعوك للتسجيل في المنتدى أو التعريف بنفسك لمعاينة هذه الصورة]

بيظهر في اخر الكليب صورة عبد الله ابن الهضبة بشكل ملفت للنظر وظهوره بالشكل ده هيخلي اللي مايعرفش هو مين يسأل مين ده والاعلام هيكتب ان ده ابن الهضبة اللي اسمه عبد الله يقوم الناس تقول هو ده بقي عبد الله اللي كان اسمه مكتوب علي دراع الهضبة .. ويبقي قضي علي القيل والقال وكلام كتير سمعناه مالوش لازمة علي اللوك بتاع بوستر الألبوم.

[ندعوك للتسجيل في المنتدى أو التعريف بنفسك لمعاينة هذه الصورة]

اخراج الكليب كان رائع وفوق الوصف وخرج بصورة مبهرة وبين ابداع المخرج كاميرون كاسي اللي صور كليب "[ندعوك للتسجيل في المنتدى أو التعريف بنفسك لمعاينة هذا الرابط]" مع الهضبة ويحسب ليه انه اول واحد في المخرجين الاجانب اللي الهضبة يكرر التعاون معاه..والكليب المرة دي اظهر قدراته الحقيقية اكتر من كليب "[ندعوك للتسجيل في المنتدى أو التعريف بنفسك لمعاينة هذا الرابط]" لانه اعتمد علي الاخراج بشكل اكبر في خروج الصورة بالشكل ده..وكعادة الهضبة في كل أعماله أتوقع ان اغلب كليبات 2009 هتبقي معتمدة علي الجرافيك وهتتصور بنفس الشكل.

مجرد ملاحظة: الهضبة لما صور "[ندعوك للتسجيل في المنتدى أو التعريف بنفسك لمعاينة هذا الرابط]" في (امريكا) صوره مع المخرج (المصري) مروان حامد ولما صور "وياه" في (مصر) استعان بالمخرج (الأجنبي) كاميرون كاسي!!..بصراحة الراجل ده دماغه توزن بلد.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://king2010@hotmail.it
ملكة الابداع
فراشة المنتدى
فراشة المنتدى
avatar

الجنس : انثى المساهمات : 2743 العمل : شاعرة

مُساهمةموضوع: رد: وياه..جميع وسائل الابهار في كليب لكل الأعمار   الثلاثاء أغسطس 25, 2009 7:42 am

اكيد هو دة زكاء عمرو دياب اللى انا بكلم عنة زكائة فى اختيار المويوزك الصح والمخريجين الاصح ثانكس ليك تقبل مرورى

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
walidoo
مشرف القسم الرياضى
مشرف القسم الرياضى
avatar

الجنس : ذكر المساهمات : 513 العمل : مدرس

مُساهمةموضوع: رد: وياه..جميع وسائل الابهار في كليب لكل الأعمار   الأربعاء أغسطس 26, 2009 4:54 am

شكرا يا كينج دايما بصراحة بتشدني بمواضيعك لانك تاخدنا بكل واقعية للتعب و المجهود اللي يعملو عمرو عند التصوير للكليبات او لاي حاجة

شكرا يا كينج من كل قلبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mai
مشرفة قسم أخبار الهضبة
مشرفة قسم أخبار الهضبة
avatar

الجنس : انثى المساهمات : 936 العمل : طالبة

مُساهمةموضوع: رد: وياه..جميع وسائل الابهار في كليب لكل الأعمار   الأربعاء أغسطس 26, 2009 7:28 am

شكرا ليك ع المجهود الرائع

دمت بألف صحة وسلامة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://diabfan.a7larab.net
safy
مشرفة الفيديوهات والكليبات
مشرفة الفيديوهات والكليبات
avatar

الجنس : انثى المساهمات : 626 العمل : ولا حاجة

مُساهمةموضوع: رد: وياه..جميع وسائل الابهار في كليب لكل الأعمار   السبت أغسطس 29, 2009 7:53 pm

الهضبة كان امور اوي اوي
واحسن حاجه انو جاب اولاده

شكرا جداا على الوضوع ياجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وياه..جميع وسائل الابهار في كليب لكل الأعمار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
๑۩۞۩๑ منتدى عمرو دياب ستريت ๑۩۞۩๑  :: اخبار الهضبة عمرو دياب-
انتقل الى: